كنوز نت - بقلم : سيمون عيلوطي


لا تِترِكوني وحدي هَلكان!!

  • سيمون عيلوطي
يَلْلي فَرَضْتي الحَجْر
عَ الإنسان
فَرَّقتي النُوَّار
عن الأغصان
حاصَرتي العصفور
فِ البُستان
أبعدتي الخِلَّان
عن الخِلّان
بْمِثلِك ما ابْتَلينا
في زَمان..!!
***
مِثلِك مَ عِرف الكون
بِالماضي
أيَّام عَمْ تِجري
عَ الفاضي...
ما فيها شي
عنُّو راضي
كل شي صاير
بِدُّو قاضي

وِالجايْ بايِن
أصعَب مِ الكان!
***
موج عَمْ يِشطَح
بِظنوني
مِ الخوف أغَمِّض
عنُّو جْفوني
حْروفو أمسحها
عن شْفافي
مُر عَكَّر جَوِّي
الصَّافي...
ثْقيل حِمْلو
فوق كْتافي...
لا تِترِكوني وحدي
هَلكان!!