كنوز نت - سيمون عيلوطي

غزليَّات ...

  • سيمون عيلوطي
مِشْ عادي...
حِلــو جَمـــــــــالِك
فـوق العــــادِه
عيوني عَ هيكي
مش معتادِه
بَشتاق ليكي وِانْتي
فْ حَدِّي
عا طول هَجرِك
مَقدَر هَـدِّي
فْ دربـــي هايِم
 اسمِك نادي!!
حِلــو جَمـــــــــالِك
فـوق العــــادِه...
***
إنتي...
بدِّي أشوفك في
 كل مَطرَح
أنا من دونِك
 مَ اقْدر أفرَح
وَحدِك أملـي
 لِ مْعيِّشنــي
إنْتــي هوايــي
 إلْ بِنعِشني
مَصدَر وَحيي
الْفِيُّو بَسرَح

بدِّي أشوفك في
 كل مَطرَح
***
تَوالي العُمُر
تْصَوَّرنا إللي بينا
نْسينا
وِانُّا بِتالي هَالعُمُر
 نِطوي ماضينا، ...
تاري الهوى
في سِرنا يِفضَح
وحدو يْداوي
قَلبْنا وْيِجرَح
يـا دوب جَمَّعنـا
 سَوا مَطرَح...
رْجِعنـــــا عَ أوَّل
كُنَّــــــا بْدينــــــا!!



 سيمون عيلوطي