كنوز نت - بقلم : سيمون عيلوطي


بِالجَّقارَه تُخْطُفْ نور البَدِر

  • سيمون عيلوطي
حدودِك كورونا بس
 لَوِنِّك تِلزَمي
قَرَّب هَلاكِك حاجي
هيكي تُبرُمي
باقي إلك تِتجَعرَفي
كَمِّن شَهِر
ما عاد فيكي تُقطفي
زِرِّ الزَّهِر
لا تُجقُريني وْتُخطُفي
نور البَدِر
عا هَالدَّرِب بِتوَلِّفي
جور وْقَهِر، ...
صُبْح وْمَسا بِتوَقِّفي
حَتَّى العَصِر
تِفْتِرسي فينا وْتِخسِفي
طلوع الفَجِر، ...
في وِجّي حاجي تِعبِسي
وِتْبَوِّزي

عِنْد الشِّيطان مْكَرَّمِه
وِمْعَزَّزِه
يِكْفينا شَرِّك يا عُيون
مقزِّزِه
مَليانِه بِسْموم وْأذَى
ومْقَرمِزي
عَالشُّرور تِتمَزْمَزي
وْتِتلَزَّزي ...
تْعيشي مَعنا إصحي
مَرَّه تِحلَمي
أحسَن عَ روحِك يا
مْصيبِه تْرَحَّمي ...
بُكرَه نْقول: لا رَدها ألله
المُجرِمِه!!