كنوز نت - قلنسوة - بقلم : شفاء حرزالله


هدنة مع الحياة



يمكن هالفتره كلنا بنحكي لوين راح نوصل وشو راح يصير فينا،،لوينت هاي الاوضاع راح تستمر ؟؟؟
ويبلش يتملكنا شعور الاحباط او الانهاك بمشاعرنا وفقدنا الامل بالعودة لحياتنا السابقة..

بنضل نفكر بوضعنا المادي والنفسية عنا تتحطم واحيان يقل الشغل وتغلى الاسعار يعني خليط من اليأس والتعب النفسي ما بنعرف لوينته راح يستمر.
لهيك بنفقد لذة الحياة واللحظات الحلوة بننسى نعيشها او حتى نستغلها لانه مشغولين بنفكر باشيا ثانيه بنسبة الي هي بعلم الغيب.
  • سؤال ؟؟؟؟؟؟
ليش ما نستغل اللحظه الي عايشينها هسه بهالوقت ؟
ليش ما نستطعم بالاكله الزاكيه لو شو ما كانت بسيطه؟
ليش ما نعيش السعاده بلمتنا مع عيلتنا وولادنا واحبابنا؟؟
بقدوم طفل صغير او نجاح لبنت او ولد بلعيله او عيد ميلاد،،،،
نعيشها ببساطه لشو الفشخره وكب المصاري والمشابهة
واحنا عارفين انو جاي ايام يمكن تكون كثير قاسية..


خذوا من الدنيا بساطتها ولذة لحظاتها وانسوا انو لازم نكون راكبين اعلى موديل واغلى فستان ورحلات كل شهر
ونلاقي حالنا ورطانين مش عارفين منين نندبر امورنا .
بنلاقي حالنا فتنا بالسوق السوده وتورطنا بالبنوك وديون الها اول ما الها تالي ،،
عشان شو شوفونا يا ناس،،

يا ترى سالنا حالنا لما نوقع شو بفدونا الناس ؟؟
لما ننسجن ولا يهددونا بارواحنا شو بفدونا الناس؟؟
اول حده راح يحكي همي الناس الي بدك تورجيهم انك بتطلع وبتبعزق ووووو
بحكو شو جاررو عكل هاي ما يعيش عقده؟؟؟!!!!
لهيك اعملوا هدنة مع الحياة وخذو منها ابسط ما يكون
عيشو ببساطه وحب والفة وسعادة ودفا ،،
اتركو الناس شو عاجبهم وشو مو عاجبهم لانه ما بتلحقوا
المهم انت تكون راضي ومبسوط ومقتنع بحياتك،
وتحط راسك وتنام وانت مش خايف من دين او تهديدات لحياتك ،،
الحياة حلوة بس بايدينا نحنا نحليها ونعيش لحظاتها 
  • بقلمي : شفاء حرزالله