كنوز نت - بقلم الكاتبة جميلة شحادة


في بيروت


*********************************** 


ليلْ وسَهَرْ في بيروتْ
عَتمي وقمرْ في بيروتْ
غُرْبي ع شَطِّكْ
 واحْجارْ منْ ياقوتْ
ومَراكبْ تِنْدَهْ ع البَحَّارَه
وصَدى النِدا مْنِ القَهِرْ مكبوتْ
***
توبِكْ الأبيضْ بيروتْ ما تِخْلَعي
عروسةِ الفرسانْ ضَلِّي تْدَلّعي
غَنّي وصوتِكْ إرفَعي
بوِجِّي اللي دَمَرّوا البيوتْ
**
بيروتْ مهرِكْ عَ الغريبْ غالي
عِزِّة وكَرامي وحفْنِةْ أماني
ما تقبلي بالغدِرْ يا بيروت

ولوْ كانِ الدَّهبْ تَمَنِ السِكوتْ
**
بكرا اولادِكْ بِكْبرو
وع الحِّلمْ بيُوعو يِسْهرو
تا يِرْجَعو يُرُشُّو الوردْ
 ع بلدْ ما بيموتْ
**
شِدِّي حيلِكْ يا بلدْ
وِآخيي بينْ البنتْ والولدْ
بالوِحدة عيشي يا بيروت
وخلِّي هالشِعارْ بالفِكِرْ منحوتْ

**************************

يقلم؛ جميلة شحادة، قاصة وكاتبة من الناصرة
4.8.2020 - انفجار في مينا بيروت