كنوز نت - بقلم : ازاهر آدم



ليه يا وزارة تقسي علي تذيدي اسايا




ليه يا وزارة تقسي علي تذيدي اسايا
ما خابرااااااااني مشتاقة وبغني برايا
مددتي الحظر كيفن الاقي هوااااااايا
اسبوعين وعشرة ايام وحيدة كفايا

كنتي تشوري قلبي وحبة بس تنتظري
يمكن كان حكيت بالجوة تقبلي عذري
ما شفت الحبيب كيفن تجددي حظري
ما عارفاني رايدة وريدي اصبح عذري


خاتة الارتكاز في كل حتة وزااااااوية
اظنك لي هلاكي الليلة جااادة وناوية
مانعاني الوصال النار بتحرق كاااااوية
ليه يا وزارة لي حرماني شايفاك غاوية

ما معقولة منتظرة الليالي تعدي
وانتي تجيبي خبرك ليا تاني تصدي
الكورونا بي جاي وانتي برضك ضدي
دماع الحنين بلل وسادتي وخدي

قووووول لليهو مشتاقة وبساهر ليلي
جهجهني الحنين والغربة هدت حيلي
الخلاني موجوعة واقول يااااااا ويلي
مين في الريدة من بعدك بيعدل ميلي