تعالو نهني ما نزعل

تعالو نهني ما نزعل 

 نقول الدنيا لسه بخير 

 نخلي الجاي يكون اجمل 

 مدام ليل الحزن حيفوت 

 بفال يوم بكرة يتكلل 

 اكيد حا نسمو بي فرحة 

 ويكون يوم بكرة لينا امل 

 تعالو نصفي نيتنا 

 نسامح لي بعض بي حب 

 نعيش حاضنين محبتنا 

 تبقا الفرح بدل الهم 

 تنور لينا دنيتنا 

 في عز الوجع نرتاح 

 نفك بي حكمة كربتنا 

 تعالو كتااااااااار 

 تعالو وجيبو لينا الراح 

 صغار وكبار 

 تعالو وانسو كل الفات 

 نعيش الجايي بي اصرار 

 نعمل نحن قدر الحيل 

 نسيب الباقي للاقدار 

 ولو جانا الغلط سهوآ 

 كمان نتقبل الاعزار 

رمضان كريم تصومو وتفطرو علي خير

 ازاهر آدم