كنوز نت - بقلم كرم الشبطي


غزقطرميكا

بتقاوم الفسيخة
بتقدم النصيحة
وانتظروا المينا
مثل مطار افندينا
وكله بصرح علينا
وبسرحوا في هوانا
وبكرا الحياة جميلة
في دويلة مسمومة
تعيش علي النقطة
مياه وكهرباء جارية
ورقصني ودلعني يا مزيكا
ومين يتعرى ويرقص بلدي
ولا اتركونا من الشرقي
ازهقنا وعفنا وبدنا
مرقص علي مستوى عالمي
يا هيك تحالف يا بلاش
وكله بلفض حسب الشعار
وبقبض من ماما امريكا
وابونا ترامب بهز الوسط
وخلانا نلعب خمسة كوتشينا
نظام القواعد وكله قاعد
بده يعالج المساكين فينا
وصدق يا شعب وهلل وافرح
صرنا احباب مع صهيونيكا
ملعون ابو التاريخ واهله
علي كل الاوطان المسلوبة
فوضى ولعبة وعاهرة بالقوة
بتحكمنا وبدها تمارس الرذيلة
خفنا وارتعبنا وفكرنا وصرنا
بنبحث عن وسيلة تنقذنا
ما القينا غيرها للجزيرة
واسطة خير بلبس الشيطان
مثل عقال الخرفان والزمان
وقرنين بتتخبى وبتتلحف وسطينا
بدها تتدفى من نارناواسألونا
ومين انكوى يا ناس غيرنا
من فلسطين للمشرق للمغرب
كلنا بنعوي وما بنتقدم خطوة
اطفال وانظمة صغار بتحبي
يا ويلي علي بحاول يرفض الصفقات
غير بالعصا اضربه على ..
ولا بلاش خليني متأدب أحسن
بظلني عربي وخايف عليكم
وبدي استركم وألبسكم
هندام من وطني
فاكرينه ولا ناسينه
ولا خلاص الدولار عاميكو

طيب وين حق الشهدا
ووين هي الثورة الصادقة
بأي لون بتتستر واحكولنا
ما تخبوا علينا أكثر
بلحية ولا بستار الدين مثلا
وين حريتنا يا زمن
ومين خطفك يا قمر
والشمس زعلانة منا
ما راح تشرق ابدا
والسبب فيكو انتو
قلبتوا السماء غضب
والغيوم ما بتنزل مطر
هي صنيعة وخدعة جديدة
وفكروا فيها منيح يا بشر
ما راح تعيشوا بيوم
كل الحياة فيها قهر
ما احنا العرب وعارفين بعض
وارفع السلام للغرب
وحقق العدالة يا عمر
يمكن تلف الدنيا وتجور
وفاكرين عقارب الساعة بترجع
طيب كنتوا رجعوا ارضكو وحرروها
قبل ما تصنعوا حكومات وسلطات
وموازنات وبطيخ ازرق بغزونا
مارينز وتركي واخوانجي علينا
والانجليزي بتفرج بعد ما قسم
والفرنسي بحب ومغروم على قد ما يقدر
يا عمي احنا اهل الرومانسية والعاطفة
شو بدنا في الفكر والقراءة المملة
خلينا نخربش في مؤخرات بعض أحسن ههه
بس المهم ننظف عقولنا من هالعبث
ومعذورين من كل غدر اصابنا وما هز عروشنا
وبايدينا بنحط السكن علي روسنا
وفي النهاية بنسأل احنا مين
والله صدق فيكم ابو الزوز
لما قال احنا العرب اخوات
بس ما كملوا وقالوا اخوات شو
وهي قصتنا وروايتنا
طيب شو نحكي لاجيالنا
عن أوسخ مرحلة بنعيشها
وبدي أحكي كل إلي في نفسي
مثل ما بعبر ابن الشارع
بكل بساطة بقول وبصرخ حقيقة
ما بحلم بغير رسالة رغم قسوتها
تكون أمانة وخير لاحباب النضال
ولعشاق العروبة والأصالة حريتنا