[لأقرفْ الجعبري وأمثاله]

كنوز نت -  شعر:عاطف ابو بكر/ابو فرح

١-

خالي مْنِ الشرفْ أشرفْ

سافلْ ،تاريخو بِقْرِفْ

وِينْ نشامى الخليلْ

دَمَّاتو يِْكِبُّوا بالمَُصْرَفْ

٢-

أمثالو بِجيبو العارْ

للعيلهْ وْلأهْلِ الدارْ

وْيلِّي بِخونِ بْلادو

بِدُّو بْراسو طلقةْ نارْ

٣-

العُمَلا صاروا عالمكشوفْ

يْصولوا وِجُولوا بلا خُوفْ

وْراحْ يِتْمادوا أكْثرْ وَاكْثَرْ

وِكلّْ خايِنْ إلنا معروفْ

٤-

تِحْتِ نْعالِ المُستوطنْ

حِزْبو الصهيوني أعْلَنْ

لوْ خايفْ مِنِ الفصائلْ

حزْبو أبداً ما بِعْلنْ

٥-

عارْ عَ أهلِ الخليلْ

يِبْقى عايشُ هالجبانْ

وْمَصيرو مثلهٌ كمانْ

يلِّي بلَدو برْضو خانْ

٦-

فصائلنا المحروسهْ

ما بتْخوِّفْ لو صُوصَهْ

صارِ الفدائي ما بْإيدو

لا رْصاصَهْ وَلا خُوصَهْ

٧-

لو بِتْحاسبِ العميلْ

ما بِتْجَسَّسْ لَ اسرائيلْ

وْما بِعْقِدْ مؤتمراتْ

لا بْريحا وَلا الخليلْ

٨-

المطلوبِ مْنِ العائلاتْ

تِتْبرَّا مْنِ الحُثالاتْ

وِا لعِيلِهْ يلِّي بْتِتْقاعَسْ

بِدْها ضَرْبِ بْحَفَّاياتْ

٩-

بدَلِ الفصائلْ ما تِشْجُبْ

شْفْناها واللهْ بْتِتْلَعْلَبْ

وْبدَلْ ما تْدينِ العمالِهْ

صمْتَتْ وِالأمِرْ مُستَغْرَبْ

١٠-

صارِ الولاءْ للعيلِهْ

بِتْقدَّمْ على الأوطانْ

والقصَّهْ مشْ قليلِهْ

لَتِحْمي العيلِهْ هالخَوَّانْ   

١١-

فصائلنا يا إخوانْ

ما بشوفوا الإستيطانْ

قِبْلوا بغزِّهْ وأريحا

وكانوا وَعَدونا بْبيسانْ

لا تْقولوا عنهمْ عمْيانْ

وِالْحقّْ كلُّو عالطليانْ

١٢-

صارْ كلّْ قائدْ فصيلْ

فاتحْ لحالو دكَّانْ

وْعِنْدِ القائدْ كمْ شغِّيلْ

مْسمِّيهُمْ جبههْ وْمشْ خجلانْ

١٣-

فصائلنا يا إخوانْ

المِتْغطّي فيهنْ بردانْ

لا بْتِحْمينا مِنْ مستوطنْ

وَلا مِنْ جيشِ العدوانْ

١٤-

لوْ يِحْكي لِكلاسنكوفْ

حزبْ أقْرفْ ما بنْشوفْ

لازمْ أشرفْ ما نْسمِّيهْ

بعدِ اليومْ، إسمو دُوفْ

١٥-

آلِ الجعبري الكرامْ

كِبُّوا بَرَّا هالحُثالِهْ

عِيبِ يْكونِ بْهالعيلِهْ

واحَدْ وِسِخْ وِزْبالِهْ

١٦-

خايِفْ عندو ضُوءَ أخضرْ

عنَّا منْ بعضِ العكاريتْ

هيكْ قاعدْ بَتْصوَّرْ  

وِيْخِيبْ ظنِّي يا يا رِيتْ

——————————

٢٠١٩/٥/١٥م

أشرف:هو أقرف الجعبري

مؤسس حزب الإصلاح 

والتنمية تحت نْعالِ 

المستوطنينْ