مظهرخلايلة : يا ريت اللقمه ببلاش


يا ريت اللقمه ببلاش
وعمره ما حدا اشتغل
لا نعرف شك ولا كاش
ولا حتى مكتب عمل
نقضي العمر كله اطفاش
لحتى يوم الاجل
يا ريت اللقمه ببلاش
علقنا ياخي وشو العمل
....................
ما أصعب لقمة هالعيش
اليوم القعده بتنفعنيش
مش طالب اكل كريش
برضا بزتونه وبصل
يا ريت اللقمه ببلاش
علقنا ياخي وشو العمل
...................
الحاله والله تعبانه
وعايشين عحساب الدوله
من البطاله منعاني

ذنبها وهي المسؤوله
ناس بتكش بذبانه
وناس فرحانه ومسطوله
وناس بتألف اغاني
وعمره ما حدا اشتغل
يا ريت اللقمه ببلاش
علقنا ياخي وشو العمل
......................
الفرح عنا مقتبس
والبسمه صوره ورسمه
يرحم عزك يا عدس
ما عدنا نرضى بلقمه
وبصحي فينا اليأس
كل ما منغفى عالأمل
يا ريت اللقمه ببلاش
وجعلو ما حدا اشتغل


كلمات مظهرخلايلة عكا