سكت الكلام من الكلام

كنوز نت - قلنسوة - بقلم الناشطة : شفاء حرزالله

بطلت اعرف شو فيي احكي او اقول بلوضع الي وصلنالوا

كنا بالاول نحكي حرب عصابات وتخليص حقوق وما بعرف شو،،

يعني نوهم حالنا بأعذار لنبرر الاشي الي عم بصير،،شوي شوي صار الاشي يتطور ويكبر ويتفاقم لحتى صار قتل الاطفال والشيوخ ،،

طيب قلنا بالخطأ ومش مقصود ويلا هاي كمان مبررات..

طيب بعدها استفحل الوضع لحتى صار مجازر جماعيه بسبب بدون سبب بطلت تفرق ،،يعني غابة بشريه بصراع بقاء حيواني (اسفه عالتعبير بس هاي الوضع الراهن).

وهسه شو فيكو تنفهموني شو الي بصير،نوصل لنساء مستضعفات نقتلهن بكل دم بارد وليش لانه رفضت ترجع لجوز ظالمها ومسببلها الرعب هي واطفالها.

والمشكله الاكبر انو لسا الناس بتزت حكي وبتغلط وبتحط باعراض ،،بصير كل واحد منا ملاك يا حرام وفش بننسى اخطاءنا وعيوبنا بس لانه محده كاشف المستور فبنعمل حالنا شيوخ ونبلش نحط احكام باطله عوحده صارت بديار الحق بدون ما نعرف الاسباب ، بتعرفوا ليش ؟؟

لانه احنا محتمع شرقي ذكوري ولا يمكن نتغير مهما تطورنا وتعلمنا وةصلنا مراتب ،،خلص بغلبنا طبعنا وبس الاشي يخص امرأة بتصير مذنبه وغلط وابصر شو عانله تا قتلها وابصر شو مسويه تا عمل فيها هيك..

لو الاشي جاي ببناتكم يا ترى بتحكوا نفس الحكي وبتحكموا نفس الاحكام ولا كيف ؟؟؟

ليش بننسى دينا وبننسى شو حق المرأه الي ربنا قاله ورسوله ..

اياكم وحق الضعيفين اليتيم والمرأه

استوصوا بالنساء خيرا

وين احنا من كل هاي

وين احنا من حكم ربنا

وين احنا من حق ست ضعيفه مسلوبة من كلشي

من الرأفه والحنان والعيش بأمان..

الوحده منا بتترك بيت ابوها وبتطلع من تحت كنفو لحتى

تحتمي بكنف زوجها وامانو مش لحتى تروح لذئب بشري

بدو يتحكم فيها وينتقم منها ويعاملها كجاريه ما الها اي حق..

مين اعطاكم الحق بهيك تصرف وتحت اي مستند اعتمدتوا..

انا بحكيلكم بشو استندتوا

الرجال قوامون على النساء

بس المشكله بنحكيها وبنسمعها وما بنفهم معناها ولا شو حق المرأه هون فيها.

هون ما بعني انك تتحكم فيها وتجور عليها وانت تعمل شو بدك بس لانك انت الرجل ،،

لا الحرام والحلال والحقوق الي ربنا قال عنها انفرضت على الرجال والنساء ،ربنا ما فرض امور على المرأه فقط والرجل لا..

ربنا فسر كل شيء بخص الطرفين بس احنا زي ما بحكوها اجدادنا بنعرف وبنحرف

بنحلل وبنحرم كيف احنا بدنا وبننسى في رب راح يحاسبنا ويقلنا وين وصلتوا وقفوا هون في حساب بدكم تتحاسبوا..

نحن في غفلة منا ،،نحن في غابة بشرية وذئاب آدمية تنهش لحم بعض ،،افيقوا يا امة الاسلام قبل فوات الاوان

قبل فوات الوقت ،،وقت التوبه ويأتي وقت الحساب الذي لا مفر منه..

يوم نأتي الله لا ابن يشفع ولا مال ينفع

هدانا وهداكم الله.