من اجل ماذا

كنوز نت - قلنسوة - بقلم الناشطة : شفاء رابوص

مش عارفه من وين ابلش ولا بشو احكي بزبط لانه مليان امور بدها علاج ووقفه وضجه بحياتنا ومجتمعنا

مجتمعنا الي صار لونه احمر من شلال الدم الي كل يوم بدل ما نستعمل الضماضات لنوقفوا عم نستعمل الرصاص والسكاكين لحتى نغرق وما نعود نقدر نطلع منه ...

مش خجلانين من انفسنا واحنا عم نقتل ارواح عشان كرسي وهي الدنيا كلها بزوال

مش خجلانين من الله واحنا بنقتل اخوانا من نفس،دمنا عشان قطعه معدنيه وعشان اشي مش دائم اسمو منصب

مش خجلانين من انفسنا لما نقعد نوكل ببيوتنا وايدينا مغرقه بالدم

مش خجلانين من انفسنا لما نوقف قدام لمرايه ونشوف بشاعة وجهنا الاجرامي

كنا اول من اخترع البوصلة واول من اضاع الطريق

كنا اول من اكتشف الدورة الدموية واكثر من سفكوا من الاوردة من دماء

كنا اول من اخترع الصفر ولا زلنا تحته

الم تخجلوا حتى الان من كل هذا

كنا اول الفاتحين للعالم باجمعه واصبحنا باخر الصف من العالم كله

كنا نحارب الظلم اصبحنا اهل الظلم كله

اصبح قلمي مقهور وصوتي يختنق مما نسمع ونرى في مجتمعنا البائس

وعشان شو وعلى شو ومن اجل شو ؟؟؟؟؟؟؟!!!!

تاركتا لكم الجواب فانا احترت في امر مجتمعي