{أبو المِنْشارْ}}



شعر:عاطف ابو بكر/ابو فرح

------------------------------
١-
شُوفوا الداشرْ بِنْ سلمانْ
وِالخِلْقَهْ مِثْلِ الشِيطانْ
لَمَّا بْتِتْمَعَّنْ بِوِجْهو
بْتِعْرَفْ إنُّو مِشْ إنسانْ
٢-
صعلوكْ قاتلْ سُكَرْجي
راسو مِثِلْ راسِ الثُورْ
واللهِ ما بِصْلحْ بنْشَرْجي
وْبِبْلادو عامِلْ دكْتاتورْ
٣-
بِستاهَلْ رُتْبِةِ حْمارْ
الداشِرْ أبو المنشارْ
عِمِلْ الجريمِهْ بْطَريقَهْ
ما بِعْمَلْها وْلادِ زْغارْ
٤-
أمَرْ زْلامو بالتٓقْطيعْ
وِتْبَرَّا مِنْهمْ عالسريعْ
راحِ يْروحوا بْشُرْبِةْ ميِّهْ
وَبُكْرا إلْهُمْ راحِ يْبِيعْ
٥-
إبنْ سلمانِ المُحْتالْ
أوقَحْ مِنُّو مُستَحيلْ
أمَرْهمْ قَتِلْ جَمالْ
وْعزَّى إبْنو بالقَتيلْ
٦-
إخْفاءِ الجُثِّهْ دليلْ
عالتقْطيعْ وِالتمْثيلْ
بعدِ النشرْ بالمنْشارْ
يِمْكِنْ ذابِ بْمَحاليلْ
٧-
كلّْ يُوُمِ بْتِتْغيَّرِ الكذْبِهْ
وِينْ بِبْلادِ الحرَمِينْ
ظنُّوا الجريمِهْ لُعْبِهْ
بِنْساها الناسِ بْيومِينْ
٨-
بعدِ السجَّادِ الأحمرْ للغولْ
صارْ ممنوعِ الدخولْ
بإيدو رَسَمْ مَصيرو
وْراسو الجرايِمْ حَتْطُوُلْ
٩-
بتْمَنَّى اللهْ يِخْزيهْ
وْيِهْدِمْ ممْلكُتهْ بإيِديهْ
لنِخْلَصْ مِنْ أكبرْ وكْرْ
بْمشْرقْنا لَ <سي آيْ إيِهْ>
١٠-
وْمَهْما الأمْريكي الدجَّالْ
لَإنْقذو عِمْلِ المُحالْ
مِشْ راحْ بالمرَّهْ يِقْدَرْ
عنْ عُنْقو فَكِّ الحِبالْ
١١-
مِشْ راحْ يِفْلَتْ هالشيطانْ
وِبْإيِدِ الأتْراكِ البرهانْ
وْمَهما جرى وْمهما صارْ
تْكَرَّسْ مُجْرِمْ بالأذْهانْ
١٢-
بَدلِ الخَطْفْ وِلَٰا الطَخّْ
السفارَهْ صارتْ فَخْ
لو تِدْخُلْها راحْ تِتْنَدَّمْ
وْما بْتِنْجا بِقولَكْ أخّْ
١٣-
غلْطَهْ غِلِطْها الخاشقجي
لمَّا وِثِقْ بالمَنْشرْجي
خطَّطْ قَتْلو بْتُركِيَٰا
وِبْواشنطنْ ما بِسترْجي
١٤-
بْتُركيّا عِمْلولوا الكَمينْ
عصابِةْ هالمُجْرمينْ
أمرهمْ إبنْ سلمانْ
قتْلو وْتَقْطيعو في الحِينْ
١٥-
كانِ يْشاهِدْ بِحالو
يلِّي بِجْري للمغدورْ
لحَتّى يِشْفي غَليلو
إبنْ سلمانِ المسعورْ
١٦-
نَفْسيِّةْ مجرمْ مَهْووسْ
حَطِّ العالَمْ بِلِحْبوسْ
بِقْتُلْ وْبِفكِّرْ إنُّو
بِشْري الصمْتْ بِلِفْلوسْ
١٧-
الخاشقجي لعْنِةْ دَمَّو
صارَتْ للداشِرْ هَمُّو
شُو بْتِتْأمَٰلْ منْ مُجْرمْ
حاطِطْ بالحجِزْ إمُّو
١٨-
ظنِّ تْرامْبْ راحْ يِحْمِيهْ
وِيْغطِّيلو بَلاوِيهْ
مِشِي هالغَبي لَجْهنَّمْ
واللهِ على رِجْلِيهْ

١٩-
ما نِفْعتو مَصارِيهْ
اللهْ لا يْقِيمو خَلِّيهْ
يِشْرَبْ مَرارِةِ الكاسْ
إلِّي للعالَمْ بِسْقِيهْ
٢٠-
يا حقيقهْ وِيِنِكْ وينكْ
والتزويرْ عِيِنَكْ عينَكْ
والقاتِلْ إبنْ سلمانْ
كلِّ العالَمْ عمْ بِدِينَكْ
٢١-
أعظَمْ أنواعِ الجهادْ
كِلْمِهْ بْوٍجْهِ الإستبدادْ
لِيشْ بِتْزَوِّرْ يا سُديسْ
وِيْنَكْ منْ ربِّ العبادْ؟
٢٢-
سخَّرْتِ المنبرْ للظُلَّامْ
وَصِرْتْ للظالمْ خَدَّامْ
وِينْ رايِحْ يا سُديسْ
أعمالَكْ أكْبَرْ حَرامْ
٢٣-
لأنَّكْ واحدْ ديُٰوسْ
صِرْتْ للحَرَمْ إمامْ
بِعْتِ دِينَكْ بِلِفْلوسْ
وِعْمِلتو مرْكزْ إعْلامْ
٢٤-
بالقَتِلْ عِمِلْ تجْديدْ
نعمْ سُديسِ الخسيسْ
مَثَلْ أنتِ للعبيدْ
وْخِطابَكْ حيَّرْ إبْليسْ
٢٥-
ما سْمِعْنا رأيِ السديسْ
بالحفلاتْ والطعريصْ
وبالرقِصْ عرُكْبِهْ وْنُصّْ
يَلَّا افْتيها للتَنْفيسْ
٢٦-
مُحَدَّثْ مُجَدِّدْ صَدوقْ
إبنْ سلمانِ الخازوقْ
حطُّو السديسِ الدجَّالْ
بْمَنازلْ مِثْلِ الفاروقْ
٢٧-
وَيَلِّي مشْ عارفْ يِعْرِفْ
تاريخِ عيلِةْ آلِ سْعودْ
جرائمْ وِسْخَهْ بْتِقْرِفْ
معْ عَمالِهْ لليهودْ
٢٨-
الداخِلُ لسفارَتهمْ مفقودْ
والخارجْ منْها مولودْ
هِيكْ صارَتِ الأحوالْ
بْسَفاراتْ آلِ سْعودْ
٢٩-
رايِحْ عالقنْصليّهْ
لَزورِ السعوديِّهْ
وِاتْرحَّموا علَيِّهْ
لوِ تْأخَّرْتِ شْوَيِّهْ
٣٠-
بالمهْلكِهْ السفاراتْ
أعْطوها صلاحيَّاتْ
حتّى إلى المقابِرْ
صارَتْ تِعٍطي تأسيراتٍ
٣١-
وِينِ الجُثِّهْ يا ملعونْ
ما كَفَّاكْ مَماتو
أوْ مِثِلْ عِيدي أمينْ
بَدَّكْ تاكُلْ لَحْماتو
٣٢-
شاوارما بشريِّهْ
لحْمتْها شو طريِٰهْ
إلْحقْ حالكْ عمْ تِنْباعْ
عنَّا بالقنصليِّهْ
٣٣-
الغَرَقْ نِهايِةْ فرعُونْ
يلِّي بْسلطانَكْ مفْتونْ
والجرائمْ صارَتْ حَبْلْ
على رَقْبَةْ هالمَلعونْ
٣٤-
ربّكْ للظالمْ لو أمْهَلْ
للظالمْ أبداً ما بِهْمِلْ
وْإنْتُ يا إبنْ سلملنْ
غَصْبٍ عَنَّكْ راحْ تِرْحَلْ
---------------------------
شعر:عاطف ابو بكر/ابو فرح
٢٠١٨/١٠/٢٧م
ملاحظة:
قال السديس في خطبة الجمعة
أنّ الله يبعث على رأس كل مئة
سنة من يجدد للأمة دينها ،وذلك
في حديثه عن إبن سلمان،ووصفهُ
بالملهم المحدَّثْ،،أي الذي يجري الحق
دوماً على لسانه،وهذا ما قاله رسول
الله(ص) عن عمر ابن الخطاب رضي الله
عنه،فهل من نفاق وعهر بعد ذلك القول ،
حيث وضع ذلك الصعلوك في منزلة
عمر من على منبرالبيت الحرام،