كنوز نت - سيمون عيلوطي


صيبة عين ....!!

  • سيمون عيلوطي
تُكْرُج سِنيني
فْ حِلْوي وْمُرِّي
مثل حَلاكي
مَ شُفْت بْعُمْري
حَكيِك نَدى
بِيْفَرفِح زَهــري
يعدِّلي جوَّي
ثَلْجــــي وْجَمْري
يِحمِلني عِندِك
طير القِمرِي!!
*
عيوني تِكشِف
كل أسراري
قُدَّامها ما
فِيي داري

ما عُدت أمَيِّز
ليلي مِ نْهاري
صُرت بْهَواها
حايِر بْأمري
*
ما عُدت أعرِف
حالي عا وين
عا شمالِك ولَّا
اليَمين
يا صابَتنا
صيبِة عين
تا صُرنا عن
بعِض نِجري؟؟!!
  • الناصرة: 14-11-2022