كنوز نت - قصيدة بقلم : سيمون عيلوطي

اتركيني عا ذوقي...!!

  • سيمون عيلوطي
خلِّيني ساوي شـو
مــا بِدّي
وَرَّاني أمشي يـا
عـا زِندي
أجري عكس النَّهر
تا عَدّي
وَجيب حالي مرَّة
لـَ عِندي!!
***
اتركيني ألعَب فِ مَهَبِّ
النِّسمات
أحبِسها ... أبعِدها
عَنِ السَّاحات
عا ذوقي مَشِّي
عَقارِب السَّاعات
تَ الزَّمَن مَ يْوَقِّف
ضِدِّي
***
فَلِّتينــي خَربِط
رُزنامِة الشُّهور
وِبْكانون أصَيِّف
عَ شَطَّ البُحور
فــــــي آب أدَفَّا
عَلى التَّنــــور
كل شي يِمشي عا
حَسَب وعدي
***
خلِّيني أكْرُج فوق
الميَّات
أدعَس أطَرشِق بالفَضا
الغيمات
فِ الصِّيف أنزل عا شِكِل

زَخَّات
وِبْشمس شِتايــي لا
تِسوَدِّي
***
دَشْريني طايِر فوق
النُّجوم
أهيل عَدراج الهَوَى
كمشِة غُيوم
وِبْمُحيط عيونِك
أغطُس، أعوم
تَنِّي من بستانِك
أقطُف وَردِه ....
***
يا ريت أقدَر آخُذ
قوس القُزَح
ألوانو أعملها عَبايِه
للفَرَح
واسي بِقوسو بَلَدنا
اللي انْجَرَح...
وِالحَبيب عا حَبيبو
يِستَهدي...
 ***
لو انْي أقدَر أنقُل
جْنينِة الوُرود
عا صحرا هَالعَرَب
وامْحي الحُدود
وِالغايِب عن بيتو
دَغشِه يِعود
بْشوفِةْ حَبيبي طَفِّي
وَجدي...
  • الناصرة:20/10/2022