عكا "كلمات مظهر خلايلة "

"مين يعطيني شي مليون "

مين يعطيني شي مليون
بكتبلوا ستاتوس مشكور
ويحط بإيدي ترليون
ويسألني شو بعد ديون

او حتى فطره فطره
شنطه مليانه هبره
وشك مطرز للذكرى
ويكون حسابه مضمون
مين يعطيني شي مليون

نفسي حدا يحلفني
بالقوه وغصبا عني
ويحلف رح يزعل مني
يحط بايدي مال قارون

او حتى أعرف صاحب 
يكون يساعدني وحابب

بالكرم عم بحارب
يطلع اكرم من هارون

بس وضع اليوم اتغير
والفقره عم تتسمسر
شعبي واقف ومسمر
وعمبتأمل بكرا يهون

كنا نساعد بالمخفي
صرنا نتبرع سلفي
نذل المتسول خلفي
كرمال اللايك الملعون