كلمات مظهر خلايلة عكا - صرنا نشوف الديك حمار

صرنا نشوف الديك حمار
وبعدا الدنيا بنص نهار
متعصبن دايقاني خلاقي
واعصابي بلشت تنهار
صرنا نشوف الديك حمار

بعدو اول يوم والتاني
من عطشي خلاقي دايقاني
عمبحكي تركي وتلياني
شو رح نعمل بكرا شحار
صرنا نشوف الديك حمار

قولنا الليله رح نتسحر
نوكل لقمه ونشرب اكتر
صحينا على الله اكبر
ما عملنا للسيعه عيار
صرنا نشوف الديك حمار 

قالولي الله يهديك

جبلك جاجه وجبلك ديك
بصحى الصبح وبصحيك
طلع الديك ال جبته حمار
صرنا نشوف الديك حمار 

صحصحني واضرب صحصوح
خليني بارضي مطروح
وان كنك شايفني لوح 
غديني شقفة مسمار 
صرنا نشوف الديك حمار 

عمنصوم وعمنكابر
خوفي يقولو عني فاطر 
بس عمنسمع عالجوع كافر
يعني طلعنا من الكفار
وصرنا نشوف الديك حمار