كنوز نت - الفريديس 

 فخريه مصري ( دروس الحياة )

الحياة معجزة ودروبها صعاب
ولقيت الناس الوان واشكالِ
ِ فيها الصديق الوفي لو غاب
ما تبخل عليه ولا حتى بسؤالِ
لا بتزعل منه ولا تفكِّرله بعقاب
ولا بتقول إنه متعمد اهمالي
 كل واحد عنده ظروف وأسباب
لازم نجد له العذر وكل احتمالِ
 صديقك أحفظ سره ولا تغتاب
لو ساءت الظروف وتغيرت لِحوالِ
 واسمعيني يا صبية بهذا الخطاب
خلي جبينك شامخ ومرفوع بالعالي
 ولا يغُرِّك كلام الحب والإعجاب

ولا تمشي ورا الخَدَّاع ودرب الانذال
 ونصيحة لإخوتي وكل الشباب
أنت الأمل وأنت على ألأهل غالي
 فلا ترمي الاهل في القلق والعذاب
ولا تغرك المظاهر وسيارة أو مالِ
 بعض المظاهر تلقاه بالفعل جذاب
والقناعة كنز مش وَهْـــــم وخيالِ
 كلمتي للي شايف نفسه وكذاب
وعامل من نفسه انسان ومثالي
 ومفكر مثله ما في حدا جــــاب
كأنه الزير أو أبو زيد الهـــــلالي
 بلمع كالذهب .. وبالحقيقة سراب
ومش كل الذكور تتسمى رجـــالِ
ترانيم فخريه مصري