عقول سطحية

غالبا ما تدعوني

أطلع على السطح وأرمي حالي

برجع وبقول خليني أغني من تاني

يا مهلبية يا ومين فيكم فهم إلياه

ولا شو رايكم نعمل شوربة ملوخية حمرا

ونشربها ونعطيها بعدها شاي مرمرية مفخرة

اتعبنا من شرب القهوة وصرنا مدخنة ومحرقة

معلش أصلي فلسطيني ودمي حامي وحارق وعارفيني

وقت ما بكون رايق بحب أدلعكم بس مش كل وقت بطبل إلكم

كثير حذرت من غضب الطيب وقت ما ينفجر ما برحم ولا بجامل

عند الوطن نقطة وابتدي حبيبي قراءة الحروف من أول بداية

لأخليك نهاية متعلقة ولا تقلي فتح ولا حماس ولا جبهة ولا فجلة

هدول انخلقوا ليش فهموني مش كرمال الوطن ولا مجرد حكاوي

آه ما احنا قاعدين علي القهوة وبنفسر وبنشرب خروب بنكهة

وهما يا عيني ما خلوا دولة ولا عاصمة غير لما زاروها وفضحونا

ليش طيب قال بدهم يتصالحوا وآخر مرة كانت في موسكو والفودكا

صب كولا ولا عصير عنب وخليني أتخيله نبيذ وبدي أسكر من هالشعب

صامت وكأن القضية بتتبع اوغندا ولا الأرجنتين ولا علبة السردين

المقدمة من الانروا وعليها ختم صالحة للأكل والقطط في غزة بترفضها

شي بجنن وحال بفقع المرارة واليوم جاهزين نقلبها دندنة وطراوة ورقص

يمكن نخرج من حالة الملل ونطلع العصايا ونضرب كل حاكم بالكندرة

شو يعني ما بدها تتكرر مثل ما صار مع بوش وهو بتغندر وبتفذلك

بدنا شعوب حرة تنادي وتصرخ وتعلي الصوت وتقول طلعوني من غزة

لا بترجعوها لحضن فلسطين وبتتوحدوا فيها صدق وإلا بدنا نفرمكم

رايحين تقولوا مين هذا المجنون بده دم وما بعرف قيمة الأرض

والله بعرفها أكثر منكم وبقبل كل ترابها من رفح لرأس الناقورة

بس انتم خلتوها عورة بالمرة ومثل العاهرة والكل بلعب فيها

ما تقولوا وقح ولا تقولوا ألفاظ سيئة ولعلمكم الأدب بخرج مني

من دمي ومن روحي ومن نزفي وانا بكتب شعور قهري من وراء القسمة

حبيت أخاطب في البلدي والعامية واقلبها مثل ما بده الفيس والنشرة الجوية

خبروني عنها وقولولي شو اخبارها الحرب القادمة مطولة ولا بس اربكات ليلية

وبالونان منفوخة وشهداء كل جمعة والرد لازم يكون علي وتيرة التناغم المحلية

شكلي بطلع اجنبي وعقلي ايراني ولا هندوسي ولا اوزبكستاني ومين ضل مثلنا مقيد

افريقيا ولا استراليا ولا امريكا الجنوبية ولا قارة الهند الي بتضحكوا عليها

قال العرب بشتموا بعض وبقولوا يا هندي طيب يا ريتني صيني مش هندي كمان

ما احنا كمان بنتمسخر علي الصين وبنقول ارخيص وكله متوفر في الأسواق النا

بس بدنا شوية فلوس والحال ميؤوس وكله برمي بلاه علي غيره وبغني عتابا وميجانا

مثل هالمقال ما هو معروف قصيدة ولا خاطرة ولا نثر حروف لكنه فيه سر غير معروف

بدنا نكشف عنه بس مش عارفين وخاطري اعمل لقاء صحفي وارفع فيه حذاء كندرة شهيد

أقول فيه هذا اشرف منكم لانه مات وضحى وهو طفل صغير وما كان بنتظر منكم شفقة ورحمة

كرمال راتب صغير ومهدد بالقطع كل فترة وفترة واسير بناجي الرب من اجل تفريج الكرب

من تاريخ ما بده ينتهي ولا بده يحكي كيف ممكن نتحرر واحنا بهيك عقول ورايات وعصب

كل واحد شاهر سيفه علي الآخر وما حد شاعر بنزف شعبنا ولا بكلمات مفكر وأديب وشاعر

قلنا نكتب مساخر ما كله أدب مقاوم والكلمة مثل غيرها ما بتنسمع ولا بتقرأ حقيقة

حياة من دعوات وسهرات وبيوتنا في المخيمات ستراها جدران مغلفة وممنوع نطلع صوت

نحكي بالراحة وبشويش وبلاش يكونوا سامعينا وبعدها يبعتولنا امر استدعاء وتحقيق

مش ناقصين دوشة راس وخليك يا كرم ماشي جنب الحيط وشو بدك من هالورطات والسخام

القضية اكبر منك وكله بده يمرر الصفقة بس خجلان ومش عارف كيف وشو بده يقول للناس

قلت انا مجنون وراح احكيها وما راح اخلي مكان غير لما انشر فيه صفحات وصفحات

انما للصبر حدود وانا سميع قديم للطرب وابي اسمه صابر علي فكرة وصبور كثير كثير

بس ودم الشهدا ما راح يصير الي بتفكروا فيه ومش قوة ولا شطارة مني وانا انسان بسيط

ما بطلع بايدي احرك جيوش ولا أفعل انظمة دفاع ولا أملك رادارات ولا أي شيئ حقا وعلي بياض

هاي احسن حاجة بتخلي الواحد ما يخاف ويواجه كل الانظمة والفساد والفصائل والبطيخ

واجمل ما فيني انه بمتلك قوة اليقين ومؤمن بوطني وبحريتي وكرامتي وطز في كل واحد

ما بعرف قيمة الوطن ولا بعشق فلسطين ولا بقاوم صدق ويخلي العدو يتألم حق مثلنا علي الأقل

مش بندفع الثمن سنوات وعمر وهرطقات كل فترة وفترة باسم مسلسل المصالحات ومسرح الكذب كبير

مثل الصواريخ الي بنصدرها والي بنستقبلها وشعبنا مش لاقي فتات أكل واتحول لمرتزقة بسببكم

جهلة ولا كلمة توفيكم والقضية اتحولت من وطنية لانسانية وارقصي وزغردي يا محاسن بوصلتكم

كرش وسيارة ولحية ممشطة وابواق مفتوحة وكلها بتصب في خدمة الاحتلال وحده وهيك اوصلنا

واسمحوا لي بدي امسح جوخ كما يقال للرئيس محمود عباس حفظه الله ورعاه وتبناه مع الصدقين

مش هيك بقولوا اله ولا انا غلطان وصححوني يا نايمين وما علينا وبدي اشكره بصدق وقولوا

عني مثل ما تقولوا ومن لا يعلم الكرم يشرب من بوله

الرئيس قال العنوا ابو المستوطنين وكان متعاطف مع اهل الخليل والتصريح استوقفني هنا

مش هذا بقولوا عنه بنسق وخائن وكثير ما يقال ونسمع وانتهينا رغم انه الوحيد الذي يقول

لا لترامب وادراته ولا لنقل السفارة للقدس ولن نتأخر عن استحقاق اسرانا وجرحانا والشهداء

ماذا عنكم ولماذا لم توقفوا وتردوا انتم علي ما يحصل في القدس مثلا وهل حقا هو يمنعكم

تذكرت ايام عرفات وكيف كان الاحتلال يعيش تحت الضربات والمتفجرات ليل ونهار في تل ابيب

تغير الحال ومتفقين ومن بعد الحكم والوصول لا مكان ولا مقاومة حق ولا خلق حالة اشتباك صدق

الحروب فرضت وساعدت في السيطرة اكثر علي غزة وما هي النتيجة التي حققناها بعد ذلك

حصار وتجويع وتشريد وتهجير للاجيال بعد التحطيم التام للمعنويات وقتل الروح الثورية

لصالح من يا ابو صالح كل هذا وقلنا سنسامح وعودوا لرشدكم وكفاكم انقسام ولا احد يستمع

نحاكي الصخر وحاكينا البحر والشجر وكل شيئ اصبح خريف لا يوصف وتوقف النبت عن التفتح

كما ترس يدور من غير أسنان وخارج عن الأصول ولا يوجد له زيت ممكن ان يساعده في الحركة

عبر تحرك مشمول وشعار الحكم في غزة هي لله ولا أحد يريد معنى وشرح هذه الكلمة وما تعنيه

وعن التطبيع العربي والخيانات تحدثوا بجرأة وفكروا ماذا سيحصل بعد وارسو ومن المقصود

شن حروب وتصفية قضيتنا والأبقار الحلوب كما هي عليها أن تمول كل هذا كما حصل من قبل

تدمير لكل من يتعارض مع الصهيو امريكي ويرفض ان يبصم لهم علي بياض كما هم فاعلون

وكل العحب بك يا مادورو ورغم كل ما انت فيه تتحدث عن فلسطين والحق الصادق العادل

ويقول لن اتنازل عن دعم القضية الفلسطينية وانا فلسطيني اولا واخيرا وجن جنوني به

لانه الحر الوارث من جينات الأصل عبر تشافيز وجيفارا وليس كما نحن وما يحدث لنا

يقال نحن العرب وهم الأعراب الأشد كفرا ولا أعلم عن هذا الخليج المسخ ماذا يريد حقا

يتحالف ويتنبي فكرهم ويقول ليس لنا حق في فلسطين وليس لديهم نبي كما موسي واليهود

ويطلع لي واحد مشعوذ جديد ويتهمنا باننا لم نذكر في القرآن الكريم كما ذكر بني اسرائيل

وبرميل النفط الكبير التابع للبحرين بدي أنفسه بكلمتين من جديد واقول الخليج الفارسي

مش هيك كان ولا انسيتوا ولا فكريني سكران وبخربش مواويل ومين قسم أراضيكم ونصبكم ملوك

البريطاني ولا الفرنسي ولا الامريكي الي صرتوا اله عبيد مش حكام وما بتتحصلوا تحموا شرفكم

وهيك أمة بدها ومكتوب عليها تعيش عمياء وما بتشوف ولا بتبصر وكيف بدنا نعترف فيكم أحياء

وانتم معدومين الضمير والأخلاق وما عندكم نخوة ولا كرامة ولا اخوة ولا تستحقون غير الرصاص