اللي ما بيصدق بيقول هالقصه خرافية
امي ست كبيره حبت تزور صديقتها الحميمه
رحت معها عند صديقتها وكانت الصديقه فرحتها
فينا كبيره
وصرنا نحكي ونستعيد الذكريات القديمه وبدها تعرف أخباري الجديده
قلتلها والله يا خالتي عم بشتغل بفك السحر والجن والعين القديمه
حكتلي شو بدك بهالشغله المخيفه
وحكتلي انه ابوها كان يشتغل هاد الشغل وإجاه من ورا
هالشغل مصايب كتيره
وقالت انه كان محتفظ بكتاب وما فهمو منه ولو كلمه صغيره
ضحكت وقلتلها انت جيبي لكتاب وانا بفسرلك منه جمله كبيره
جابت لكتاب ومن لما شفته حسيت برهبه غريبه
كلمات مش منقطه واحرف وارقام واشكال ورسومات قديمه
لفت نظري عنوان مكتوب غير منقط ولما حاولت حط النقاط فوق الحروف طلع معي " إحضار الجان"

طلبت منها انقل الصفحه وشعرت بالخوف والجنان
ما بخفي عنكم يومين وانا عم نقط الكلمات لحتى فهمت
المهم شو بدكم بطول هالسيره كان لازم إضوي عدد شمعات بيض بنص الليل والغرفه مطفييه وجيب ورقه واكتب عليها إحضار الجن ودهنها زيت زيتون ومرقها
من فوق الشمع شويه شويه
وبعدين طلعت دخنه وصارت تنحرق الورقه حتى اني خفت على ايديي
وفجأأأأه ما تشوف عنيكم الا وبزاوية الغرفه واحد لابس ابيض بابيض وبيناااااادي عليي
خير يا بنتي شو بدك مني
صرت ارجف وانا قاعده بمحلي وصوتي انخنق وقلت مين انت
قال انت استحضرتيني بشو بتامريني
قلتله ولا شي
قال يا بنتي هالشغله مش لعبه وبدي احكيلك شغله
هالشي اللي عملتيه ما حدا راح يصدقه وراح يقولوا قصه خرافيه