" مذكرات ام "( 2) بقلم : كرستين سابا

هنا يبدأ دورك واهميتك لانه انت اساس كل نجاح وانت اساس كل استمرار.....هنا نستشعر معنى واهميه الامومه نعم الام هي الكون باكمله.....الام وطن.....الام حنيه....الام هي الامل.....

احضني ابنك اعطيه كل الحنيه التي تحتاجينها انت  .. لمجرد ضمك اياه  بهاي اللحظه كل تعبك بتلاشى وهاي الضغوطات بتقل بتحسي في حدا راح يساعدك وهو ابنك نفسه.....

نعم ما تستغربي ابنك هو الي راح يساعدك مش اي حدا تاني لانك لما بتوقفي معه هو بتقدم وبساعدك بقوتك وبكون عندك امل.....في لحظات بتفكري انه كل الي حواليكي راح يكونوا معك بكل لحظه وراح هني الي يقوكي بس.....

بترجعي وبتطلعي لورى بتلاقي حالك لحالك انت لازم توقفي على اجريكي ولازم تقوي ابنك بقوتك الامتناهيه طبعا بما انه بنحكي عن الام واهميتها ما بنسى بعمري اهميه امي ست الكل حبيبتي وكل الحنيه الي وقفت جنبي بكل لحظه وبكل مرحله بحياتي ان كانت صعبه او سهله ولليوم بتساعدني الله يطولي بعمرها يا رب.....

وبتلاقي شخص بكون قريب لمشاكلك بساعدك وبقويكي بس بالاخر لازم تعتمدي عحالك وطبعا بيجي دور كم شخص حواليكي كل شغلهن انهن يحطموكي او يذكروكي بالوضع الي انت فيه..

 وكأنك غلطتي غلطه عمرك .. هدول الاشخاص يلي بتعبوكي وبأذوا ابنك لو حتى بكلام جارح ابعديهن عن حياتك ما الهن فايده غير التعب والزعل..... وخدي ابنك وقفي بأعلى قمه اطلعي لقدام وديري وجك بنظره عابره وراكي لكل ايشي برجعك خطوه لورى قولي الي رب بساعدني.....

وبتحسي انه هاد النور الي شفتيه على شكل نقطه بالبدايه هو نفسه النور الي راح ينورلك طريقك لاخر نفس لانه ربنا ما راح ينسى حدا