ما حدا صدقني وقالوا حكي نسوان

كنت صغيره وطيوبه وما حدا قدي

وحيدة اهلي وشاطره بالمدرسه

بيوم رحت مع اهلي واعمامي عً البحر رحله

ولما روحت عالبيت إرتميت في أرضي

دوخه استفراغ ووجع راس ورجفه

الاهل حكوا شكلها أخذت بردأو اكلت شي ومتسممه

نيموني بتختي وغطوني وراحوا يشربوا قهوه

صحيت من نومي وصرت نادي ابي وامي

بعد هيك لقيت حالي بالمستشفى والكل حدي 

فحوصات وتحاليل والدكتور بيطمنهم عليي

قال البنوته ما فيها شي تعب وإرهاق وبدها راحه شويه

يوم اسبوع شهر وسنه وما تغير وضعي

وجع راس غباش في عنيي وكوابيس

الليل اخذوا راحتي وعافيتي مني

كلاب وقطط بتخوفني وبتنهش فيي

أفاعي وعقارب بتلسعني وبتلف عليي

ناس غريبه و بتخوف بتلحقني وبتصير تضربني وتهدد فيي

اخذوني عند طبيب نفسي يمكن صرت مجنونه 

بصرخ بالليل وبصفن بالنهار ولما بحكيلهم قصتي مابيصدقوني 

بيوم شفت عالتلفزيون تفسير أحلام وصاروا يحكوا انه العقارب والافاعي والكلاب السودا هدول من تاثير السحر


والجن

رحت لابي وامي وحكيتلهم القصه قالولي بكفي جنان

بكيت وبكيت لامي لحتى شفقت وصارت تدور على

شيخ عشان يقرأ عليي

اخذتني عند واحد حكوا انه شاطر ولما شافني قال ما بتشفى هالصبيه

عندها سحر اسود وأعطاني وقال راح يخفف عنها شويه

ويوم ورا يوم عم بتسوء حالتي وما حدا فاهم عليي

ومرت الايام وتزوجت وهون بلشت مصيبتي

صار في شي يهدد علاقتي الزوجيه

كوابيس وصراخ نفّٓر زوجي وكل اللي حواليي

ولما بوقف عالمرايه بشوف وحش اسود بيخوف فيي

جوزي صدقني وعرض ياخذني عند معالجه تقرأ عليي

لما شافتني المعالجه قالت ملبوسه هالصبيه

وقالت لا تخافي علاجك عندي وكل شي بيتم بسريه ولما قرات علي صار جسمي يرجف كاني مصروعه أو حدا

بيحرك فيي جسمي نمّٓل وبالآخر أغمي عليي

سامعه صوت القرءان ومش عارفه شو عم بيدور حواليي

وبعدين صحيت على صوت المعالجه بتقول هالمسكينه

عندها سحر سفلي هدفه جنون وفرقه عن زوجها ابديه

رجعت عندها عدة مرات وسحبت السحر مني ورجعت

صحتي وعافيتي الي وقصتي حقيقيه وواقعيه