كنوز نت - الطيبة 

بقلم الاستاذ : اسامة مصاروة 

والله القمر
والله القمرْ نوَّرْ وِبانْ
للكونْ جمالو والبشرْ
لمَّا القمرْ قرَّبْ وِحانْ
معادْ رجوعو مْنِ السفرْ
أهلا ً بِنوركْ يا قمرْ
هلّيتْ عليّهْ في المَعادْ
منْ بعدِ حيرهْ وْطولْ سهرْ
للقلبِ فرحو واللهْ عادْ

يا نورْ عيوني مستحيلْ
دلوقتي حاجهْ تبعدِكْ
بالروحْ يا روحْ قلبي الجميلْ
والقلبِ برضو هسعِدكْ
يا قلبي يا عمري أنا
يا اللي انْتَ أجملْ م الجمالْ
شفتِ الهنا ويَّاكْ هِنا
منْ بعدِ ما عزِّ الوِصالْ
شكرًا يا عمري يا أملْ
قلبي المتيَّم منْ زمانْ
مهما الزمانْ في الناسْ عَملْ
في القلبِ دايمًاً لكْ مكانْ