" مذكرات ام " بقلم : كرستين سابا

كحلم كل بنت ببيت دافئ بأولاد وشعور الامومه , حلم العمر , حلم كل انسانه بمرحله معينه حتى لو تصل لاكبر المناصب واكبر الشهادات ,يتملكها شعور اقوى من كل شي ..هو شعور الامومه , وهذا لا يعني ان كل انسانه لم تنجب انها ليست بأم , بالعكس كل انثىهي ام بتضحياتها وحنيتها لكل من حولها.

لكن هناك  نقطه ما بتكون محسوبه نقطه بتغيير تفكيرك بتغيير تخطيطك وبتغيير حياتك نقطه بتخليكي بالاول ما تفهمي معناها بس مع الايام بتصيري تطلعي بهالسواد يلي كان على عينيكي وبتلاقي ضو قوي بشدك من بعيد هالضو هو البدايه للامل ولحب كل شي بصير معك وعم تمرقي فيه وبتصيري انت انسانه غير..... 

اول فرحتي وبكري شعور حلو وتبريكات وتهاني و مبروك راح تصيري ام......

تخبطات وافكار فرحه لا توصف تحضيرات للثياب والعاب وغرفه مليانه اغراض وانتظار لمولود جديد بلهفه .

وبدأت الاقتراحات والتساؤلات شو نوع المولود شو بدنا نسميه باي مستشفى راح يولد واي اول ثوب راح يلبس وشو بدي اقوله اول ما احضنه واضمه..

وجاء الوقت المنتظر وخلق اجمل البشر بوقتها ما كان شي مفهوم طبيب داخل طبيب خارج وانا باستغراب بدات افكر واسأل شو صار ابني ماله .

حالة من الارباك "ابنك ما بتعرفي انه عنده مشكله اللون ابنك عنده نقص اللون ما بقدر يشوف منيح ولا بقدر يتعرض للشمس "

طيب كيف وليش وشو صار وانا كل فحوصاتي واضحه وما فيها شي غلط ؟

تضاربت الافكار براسي .. سعادتي كسرت...صرت ام. اه صرت مع ولد عنده مشكلة......تعب بعد الولاده......خوفي على قطعه من روحي.....شعور صعب كتير بتحسي بدك تعطي كل شي منك وتعوضي لابنك بتتمني لو بتقدري تكملي هالنقص من جسمك وتعطيه اياه .....بتحس كل الدنيا مسكره بوجهك وبتصيري تلومي حالك .

وهذا شي طبيعي "ما تخلي حدا ياثر عليكي" ويضايقك "شعور طبيعي كام بعد ولاده انك تعبري عن غضبك وهذا لانك ام حقيقيه وام قويه بتتصرفي بهسك تصرفات ..الاهم ان لا تيأسي ...

يتبع في المقال القادم