كنوز نت - ام الفحم 

لا تستغرب وقل عادي - بقلم عمار محاميد 

لا تستغرب وقل عادي
الدنيا مشقلبي من واد لوادي
الي تيحسبو من خلانك
صار امرو عادي انو يعادي
والي تفكرو نبي اخر زمانو
ينام على الغدر والطعن زادي
ما تستغرب وقل عادي
العزف بصوت غراب بلادي
والمحبة بعيدها والورد شوك
وما تتفاجئ انو توزيع العناد
تكتب وما لو الكل بيكتب
وقفت علي انا صاحب الضاد
بستشعر ومالو الشعر فايض
حلمت اني شاعر ونظمي شادي
نافق وعادي واكذب عادي
والكل بحكي بثرثرة تمادي
تصور سيلفي بكل حالاتك
مين اشطر منك يا حادي

اللسان من طين وخشب
والقلب حنانو زفت وأدي
ما تتعب يا صاحبي من الشوف
ضم عصدرك اهلك والاولادي
ما ضل الا عملك والخلاصة
واخرتك بصندوق فوق الايادي
شوف كثير وعيش اكثر بكثير
ولا تستغرب فالامر كلو عادي
البنت بالادب ..عافنا الرب بعلاه
والولد ماش للتيار كابن شداد
والاب الله يعينو بهمو وشغلو
صار مقتو خبز ودفع الاعداد
والام مش ملحقة لايكات
واه على تعليق بشد الاكباد
عادي وشرفكم عادي وعادي
وما تستغرب لفتنة البلادي
ان الجهل يقتاد منا لبرهة
فيا حسرة على ارض بلادي

عمار محاميد