كنوز نت - عكا 

ودعنا عام بخير-كلمات مظهرخلايلة عكا

ودعنا عام بخير

وجاهزين نستقبل عام
وعرفنا ناس كتير
وفي اللي غفي وما قام
نفرح على تقرير
ونبكي عرأي العام
ودعنا عام بخير
وجاهزين نستقبل عام
ودعنا ذكريات
من حلوه أو مره
نضحك على أوقات
ونبكي ألف مرا
ونتذكر حكايات
خساره ... الوقت لو دام
ودعنا عام بخير
وجاهزين نستقبل عام
بسرعه السنه مرقت
ومنا العمر سرقت
يا خيا شو فرقت

عمتركض الايام
ودعنا عام بخير
وجاهزين نستقبل عام
بتذكر امبارح
أو أول امبارح
فينا العمر سارح
وتتشقلب الاعوام
ودعنا عام بخير
وجاهزين نستقبل عام
يضيع العمر غفله
والدنيا محتفله
منسهر على حفله
ونصحى على إجرام
ودعنا عام بخير
وجاهزين نستقبل عام
وكل عام وانت بخير
منتمنى تكون تمام
كلمات مظهرخلايلة
عكا