زجليّة الميلاد المجيد "المربي جاسر الياس داود"

في عيدَكْ المَجيدْ جَمَعْتنا كُلْنا العبلينِيِّةْ

ِمنِ الشمالي للطيَّارْ لَطَلعِة روزا لَلمِشِتْويِّةْ

كُلنا أبْناء عبلين بلدة القديسِة الجليليِّةْ

قرْع الناقوسْ ورَفْع الآذان بِالوحْدِة القويِّةْ

فوتْ عِ كنيسْتَكْ وانتِ خيَّا عَ الجامعْ كُلنا بَهَالأَخَوِيِّةْ

لِلرّبِّ الإله الواحد كُلنا بهَالوحْدِةْ العبلينيِّةْ

لا كاثوليكي ولا أُرثوذكسي ولا مسلم بَهَالأَهْليِّةْ

حَبِّينا ميلاد الرَّب والسنة الجديدة العالميِّةْ

تْبارِكُّمْ يا أَهِلنا الكرام بِعبلين القرَويِّةْ

مع رضَى القدّيسِة مريم بواردي واختِطافاتِها العفَوِيِّةْ

كُلِّ الطوائف بِقدْسوكِ من المسيحيِّة والإِسلاميِّةْ

ميلادَكْ علَّمْنا عَ المحَبِّةْ الصادَْقةْ ونَبذِ العَنتَرِيِّةْ

مِنِ الطفل للشيخِ الكهلء برُفْضو الهمَجِيِّةْ

هيك رَبّونا آباؤنا وأجدادْنا عَ المحبِّةْ العبلينيِّةْ

أَنا راضي فيكْ خَيِّي وانتِ راضي فيّي بِالمَحبِيِّةْ

هيكْ رَبْنا خَلْقنا بيتَك بِجَنْب بيتي هالسَّرْمَديِّةْ

وكُل ميلاد وأبناء شعبْنا مْحافظين عَ الوحْدِة العبلينيِّةْ

عقبال لكل سنة يا رب

وكهنتنا وشيوخنا قدْوِة أَبديِّةْ